Starfsreglur Vinnuskólans

Starfsreglur Vinnuskólans

• Flokkstjóri/leiðbeinandi er yfirmaður hvers vinnuhóps og eftir honum ber nemendum að fara. 

• Næsti yfirmaður hans er yfirflokkstjóri, verkstjóri starfsstöðvar og síðan forstöðuaðili Bungubrekku.

• Vinnuskólinn er vímuefnalaus vinnustaður. 

• Vinnuskólinn er símalaus vinnustaður. Öllum símum og öðrum snjalltækjum skal skila til flokkstjóra í upphafi vinnudags. 

• Þurfi foreldrar / forráðamenn nauðsynlega að komast í samband við ungmenni í vinnuskólanum á vinnutíma skal hafa samband við umsjónarmann Vinnuskólans. 

• Engin ábyrgð er tekin á persónulegum hlutum sem komið er með til vinnu.

• Ef um veikindi eru að ræða skal það berast frá foreldrum/forráðamönnum að morgni til umsjónaraðila vinnuskólans með tölvupósti 

• Öll verkfæri í eigu viðeigandi starfseininga eru afhent nemendum með þeim formerkjum að þau séu á ábyrgð þeirra. 

• Skemmdir á eigum starfstöðva skulu greiddar af þeim sem þeim veldur skemmdunum.

• Allir starfsmenn Vinnuskólans í Hveragerði skulu stunda sína vinnu af stundvísi.

• Nemendum ber að fara eftir því sem flokkstjóri/leiðbeinandi eða næsti yfirmaður segir. 

• Allir unglingar sem skrá sig til vinnu í Vinnuskólann hafa skráð sig þar vegna áhuga á að starfa innan Vinnuskólans.

• Óæskileg hegðun unglinga gegn öðrum verður ekki liðin.

• Allir tilburðir til eineltis verða tilkynntir til yfirmanns um leið og þeir gerast. 

• Verða misbrestir á hegðun nemenda fara af stað verkferlar vegna agamála. 

• Gerist unglingur brotlegur við starfsreglur Vinnuskóla Hveragerðisbæjar verða gefnar áminningar og viðeigandi ráðstafanir í kjölfar þeirra.

• Athugið að við hvert brot ungmennis mun umsjónarmaður Vinnuskólans hafa samband við foreldra/forrráðamenn.